tgira dil di

Confamiliars che tgiran ein savens suttamess ad in grond squetsch. Ord quei motiv eis ei impurtont ch’els sappien serevegnir mintgaton per aschia saver rimnar forzas.

 

Gest tier quei punct lein nus porscher sustegn als confamiliars e porscher la tgira ed accumpignament dil di el PUNTREIS. Nossa purschida stat a disposiziun mintgadi ni era mo entgins dis per jamna e quei naven dallas 09.00 entochen las 17.00. Las persunas che basegnan tgira vegnan tgiradas ed accumpignadas da nies persunal dil fatg. Il di vegn structuraus cun occupaziuns ed activaziuns adequatas.

 

Ils cuosts per la tgira ed accumpignament duront il di sebasan sin las directivas dil cantun. Il meinafatschenta dat bugen sclariment a Vus.