historia

PUNTREIS astga mirar anavos sin ina liunga historia. Dapi la fundaziun dalla «Casa pauprila» entuorn ils 1852 ei la casa adina sesviluppada vinavon.

 

1951 ei la casa vegnida aviarta sut il num Casa s. Gions. Suenter la renovaziun ed igl engrondiment dalla casa igl onn 1979 ha ei dau igl onn 1990 ordlunder ina fundaziun «Casa da tgira Sursassiala» cun las vischnauncas purtadras da Disentis/Mustér, Tujetsch e Medel/Lucmagn. Tschun onns pli tard ei il baghetg niev vegnius inauguraus.

 

L’entschatta 2014 ei la casa vegnida engrondida cun in baghetg annex ed ina etascha supplementara. Dapi quei temps resplendan buca sulettamein differentas localitads en nova splendur mobein era nies num PUNTREIS procura per ina nova cumparsa.