survetschs supplementars

coiffeur

Nus purschin prestaziuns professiunalas en nossas localitads. Marcellina Giger ei mintgamai il venderdis en casa. Midadas vegnan communicadas ad uras.


podologia / tgira da peis medicinala

Ils peis vulan vegnir tgirai d'ina persuna dil fatg cumpetenta. Marlis Oertli-Levy vegn regularmein en casa. Termins san vegnir fixai directamein tier ella sut 081 925 14 30.


controlla d'apparats d'udida

Las fatschentas Amplifon e Jäggi porschan regularmein e gratuit controllas dils apparats d'udida en nossa casa. Ils termins vegnan publicai intern sco era el Fegl ufficial dalla Surselva.


fisioterapia / ergoterapia

Per Vies beinstar porschan persunas diplomadas dalla fisioterapia ed ergoterapia lur prestaziuns tier nus. Haveis Vus in'ordinaziun dil miedi, lu saveis Vus quintar giu ils cuosts cun la cassa da malsauns.


rusari / survetsch divin

Mintga venderdis fagein nus rusari communablamein cun in frater  dalla claustra da Mustér. La gievgia festivein nus la sontga messa cun sur Mathew ni in substitut dalla pleiv.