plazzas libras

Per il mument havein nus suandontas plazzas libras:

 

 

stad 2019:

plazza d'emprendissadi sco persuna dil fatg per tgira (FaGe) EFZ

 

 

Annunzias spontanas prendin nus bugen encunter!

 


Nies recept da success ein colluvrers motivai. Vegni tier nus lu saveis Vus...

 

…profitar da nossa infrastructura moderna

  • bials e spazius plazs da lavur
  • biros moderns
  • documentaziun da tgira electronica

…esser segirs da vegnir tractai a moda gesta

  • reglament da lavur modern nua che las schlatteinas vegnan tractadas tuttina

…selegrar sin ina convivenza che sebasa sin respect

  • cultura da "ti" naven dil meinafatschenta entochen igl emprendist
  • portas aviartas e cuortas vias da survetsch
  • lavur communabla che sebasa sin ina cultura amicabla ed orientada sin sligiaziuns
  • management inovativ nua ch'ideas e propostas vegnan pridas seriusas

…sescolar vinavon

  • susteniment finanzial sco era da temps da lavur per scolaziuns en connex cun il mistregn

…organisar flexibel il viadi alla lavur

  • parcadis gratuits per persunal che vegn ordeifer da Mustér

…guder la libertad

  • neginas uniformas ella tgira ed administraziun

…guder Vies temps liber

  • temps da lavur ad jamna da 42.5 uras tier in pensum da 100%
  • ils plans da lavur ein fixai per regla 30 dis ordavon, mintgamai per in meins
  • minimum 1, per regla 2 fin dalla jamna libra per meins
  • flexibilitad cun temps da lavur digl onn
  • temps da lavur flexibel ell'administraziun ed el survetsch tecnic
  • temps liber da Nadal ni da Silvester/Daniev ed era da Pastgas ni da Tschuncheismas ella tgira, ell'economia ni ella gastronomia

…ruassar bein ed intensiv

  • 5 jamnas vacanzas per tut ils colluvrers ed emprendists
  • 6 jamnas vacanzas naven dil 50avel anniversari
  • 7 jamnas vacanzas naven dil 60avel anniversari
  • pusseivladad da congedis buca pagai

…era far fiasta inagada

  • firaus pagai da Daniev, Venderdis Sogn, Gliendisdis Pastgas, Anceinza, Gliendisdis Tschuncheismas, Fiasta naziunala, Nadal e Sogn Stiafen

…esser cheu per las obligaziuns da familia

  • pusseivladad d'in engaschament parcial
  • 14 jamnas vacanzas da maternitad cun in pagament dad 80%
  • 3 dis congedi per ils babs

…guder Vossas pausas en in liug magnific

  • pausas pagadas da 15 minutas per mintga miezdi
  • caffè ni auter sitg offeriu dalla casa
  • prezi special per spisas e bubrondas
  • gentar offeriu dalla casa per persunas che fan in fuffergnadi

...separticipar ad excursiuns ni occurenzas

  • purschidas multifaras pagadas ord la cassa da persunal
  • tscheina da persunal inagada per onn

…festivar Vos giubileums

  • premias generusas per giubileums da 10, 20, 30 e 40 onns survetsch